Wednesday , November 14 2018

Home / MCHANGANYIKO / Halmashauri Ya Wilaya Ya Misungwi Yaweka Mkakati Wa Kuboresha Huduma Za Afya Kwa Kutoa Vitambulisho 12,148 Kwa Wazee.

Halmashauri Ya Wilaya Ya Misungwi Yaweka Mkakati Wa Kuboresha Huduma Za Afya Kwa Kutoa Vitambulisho 12,148 Kwa Wazee.

misungwi hospital 11

Na Thomas Lutego – Afisa Habari

Halmashauri ya wilaya ya Misungwi imejipanga kuboresha utoaji wa huduma za Afya kwa wazee kwa kuwapatia  Vitambulisho  12,148 wa wazee wa wilayani humo  ili kutambulika rasmi wanapohitaji  matibu.

Mkakati huo umefanyika ikiwa ni utekelezaji  wa maagizo na maelekezo ya Serikali  katika kuboredha huduma zitolewazo kwenye sekta  ya Afya nchini ikiwa ni pamoja na kuhakikisha  wazee wote wanapata  matibabu bure.

Akizungumza  na baadhi ya Wazee katika hospitali ya wilaya wakati  akikabidhi Vitambulisho hivyo, Kaimu Katibu Tawala Peter Michael  kwa niaba ya Mkuu wa wilaya ya  Misungwi, Juma Sweda, aliwataka  Viongozi wa Halmashauri kuhakikisha  wazee wengine waliobaki wapewe  vitambulisho ili waweze  kupata huduma za matibabu kikamilifu bila kubaguliwa.

Kaimu  Katibu Tawala huyo, aliongeza na kusisitiza kuwa Menejimenti ya Hosipitali ya Wilaya  waendelee kutoa huduma za Afya ipasavyo na kuhakikisha madawa na vifaa tiba vinapatikana wakati wote hususani kwa magonjwa mbalimbali yanayosumbua Wazee ili kulinda hazina ya wazee iliyopo nchini.

Awali akitoa  taarifa ya mipango ya uboreshaji wa huduma za Afya, Mkurugenzi Mtendaji wa Halmshauri  hiyo, Eliurd Mwaiteleke, alisema  Halmashauri imejipanga vyema na kuweka mikakati madhubuti ya utoaji wa  huduma za Afya kwa ubora ambapo imeweza kuimarisha miundombinu ya kutolea huduma   na kuanzisha dirisha maalumu la matibabu kwa wazee kwenye Hospitali ya wilaya  na Vituo vya Afya na hatimaye katika Zahanati zote, kwa lengo la kurahisisha utoaji wa huduma za afya kwa Wazee na imeweza kufanikiwa kutoa vitambulisho kwa wazee 12,148 kati ya wazee 15,048 waliotambuliwa wilaya nzima.

Mwaiteleke alieleza na kufafanua kwamba yeye kama Mkurugenzi ameweza kutoa mwelekeo na taswira mpya kwa watumishi wote hususani sekta ya Afya  kwa kuwakumbusha kuzingatia Sheria, Taratibu na Kanuni pamoja na maadili ya taaluma zao, ili kufanya kazi kwa bidii kwa kufuata mpango kazi na kutimiza malengo katika Majukumu kwa kiwango  kikubwa  na kuleta matokeo chanya.

Mkurugenzi huyo, alibainisha wazi kwamba  baadhi ya watumishi wameanza kubadilika na kujituma zaidi na kutoa huduma kwa wananchi na  uboreshaji  wa miundombinu pamoja na ukarimu kwa wagonjwa  na utunzaji na uandaaji wa takwimu na taarifa sahihi kwenye baadhi ya vituo vya Afya na zahanati  na hali hiyo imetokana na  matumizi mazuri ya mpango wa malipo kwa ufanisi (RBF)  unaotekelezwa kwa sasa kwa ushindani katika kuimarisha na kuboresha miundombinu katika maeneo ya utoaji wa huduma za afya kwenye vituo husika ambapo kila kituo kilipewa Tshs. 10,000,000/= .

Amewataka Wakuu wa vituo na Zahanati zote wilayani humo kuhakikisha wanawasimamia  na kufuatilia utendaji kazi wa Waganga na Wauguzi pamoja na wahudumu wote wa sekta ya afya waliochini yao, kwenye maeneo yao  kutimiza malengo na kuzingatia mpango mkakati waliojiwekea na kutoa taarifa ya shughuli za utoaji wa huduma na changamoto zilizopo kwa kila robo na endapo watashindwa wajiandae kuwekwa kando.

Mwaiteleke alisema  Halmashauri ya wilaya ya Misungwi inajumla ya Hospitali 1 ya Serikali, Hospitali 1 ya shirika la dini, Vituo vya Afya 4 na  zahanati za kutolea huduma za Afya  zipatazo 38 za serikali na 2 za binafsi zinazotoa Huduma ya kriniki, huduma ya akina mama wajawazito, huduma ya mama na mototo, huduma ya Meno, Macho , huduma ya magonjwa ya Upasuaji na Magonjwa yasiyoambukiza.

About Alex

Check Also

index

Uzalishaji wa Pamba Nchini Wafikia Tani 221,600

Na Jacquiline Mrisho Katika Mwaka wa Fedha 2018/19, uzalishaji wa zao la pamba umefikia tani …

Leave a Reply

Your email address will not be published. Required fields are marked *

five × two =