Tuesday , September 25 2018

Home / MCHANGANYIKO / TAARIFA KUTOKA JESHI LA POLISI MKOANI MWANZA

TAARIFA KUTOKA JESHI LA POLISI MKOANI MWANZA

 index

  • WATU 20 WAMEJERUHIWA KATIKA AJALI YA GARI ILIYOTOKEA WILAYANI MISUNGWI.

 

  • MTU MMOJA ANASHIKILIWA NA JESHI LA POLISI KWA TUHUMA ZA KUMFANYIA UKATILI WA KIPIGO MJUKUU WAKE NA KUSABABISHA KIFO CHAKE WILAYANI MISUNGWI.

 

KWAMBA TAREHE 10.05.2017 MAJIRA YA SAA 16:00HRS KATIKA BARABARA YA KIJIJI CHA MWABAKOYE  KATA YA LUBILI TARAFA YA MBARIKA WILAYA YA MISUNGWI MKOA WA MWANZA, GARI NAMBA T.793 AINA YA ISUNZU TIPA LIKIENDESHWA NA DEREVA ALIYEFAHAMIKA KWA JINA LA RASHIDI SAIDI @ KASANZU ANAYEKADIRIWA KUWA NA UMRI WA MIAKA KATI 30 HADI 35  MKAZI WA GEITA LIKITOKEA KWENYE  MACHIMBO YA DHAHABU KWENDA KUSAGA MAWE YA DHAHABU  MAENEO YA ISHOKELAHELA  ILIYOPO KATA YA KISESA W ILAYANI MAGU LILIACHA NJIA NA KUPINDUKA NA KUSABABISHA MAJERUHI KWA WA WATU 20 WALIOKUWA WAMEPANDA  GARI HILO.

MAJERUHI WA AJALI HIYO WAMEFAHAMIKA KWA MAJINA YA 1.KHAMIS MANG’OMBE MIAKA 36 MKAZI WA KAHAMA, 2.SAMWEL SELEMAN MIAKA 35 MKAZI WA ISHOKELA, 3.MAYOMBO JOHN MIAKA 23 MKULIMA WA ISHOKELA, 4.WANDU MADUKA MIAKA 32 MKAZI WA ISHOKELA, 5.PETER SHIGI, 6.JOSEPH BUJIKU, 7.MUSA BUJIKU, 8.MANGU MASALU, 9.JULIUS AMOS, 10.DIGA MAPUYA 11.JOHN MAYOMBO, NA 12.ASHA OMARI MIAKA 47 MKAZI WA ISHOKELA. AIDHA MAJERUHI SITA BADO MAJINA HAYAKUFAHAMIKA KWANI HALI ZAO BADO SIO NZURI WAMEKIMBIZWA HOSPITALI YA RUFAA YA BUGANDO KWA AJILI YA MATIBABU, AIDHA KATI YA MAJERUHI TAJWA HAPO JUU WA NNE WAMELAZWA HOSPITALI YA MKOA YA SEKOU TOURE, MAJERUHI SABA WAMELAZWA HOSPITALI YA WILAYA YA MISUNGWI NA MAJERUHI MMMOJA AMELAZWA HOSPITALI YA MASASI MISUNGWI HUKU MAJERUHI WAWILI WAKIRUHUSIWA.

CHANZO CHA AJALI NI UZEMBE WA DEREVA  KUSHINDWA KUJAZA BREKI ZA GARI UPEPO KABLA YA KUANZA SAFARI KWANI BREKI ZA GARI HILO ZINATUMIA UPEPO HALI ILIYOPELEKEA KUFELI BREKI WAKATI ALIPOKUA ANAZIKAMATA HALI ILIYOPELEKEA KUPINDUKA, LAKINI PIA GARI LILIKUWA LIMEBEBA WATU WENGI HUKU LIKIWA LIMEBEBA MAWE  KINYUME NA SHERIA. DEREVA WA GARI HILO AMEKAMATWA YUPO KATIKA MAHOJIANO NA JESHI LA POLISI, PINDI UCHUNGUZI UKIKAMILIKA ATAFIKISHWA MAHAKAMANI.

KAMANDA WA POLISI MKOA WA MWANZA ANIBU KAMISHINA WA POLISI AHMED MSANGI ANATOA WITO KWA WAENDESHAJI WA VYOMBO VYA MOTO AKIWATAKA KUWA NA UTARATIBU WA KUKAGUA MAGARI YAO KABLA YA KUANZA SAFARI, LAKINI PIA KUFUATA SHERIA, KANUNI NA TARATIBU ZA USALAMA BARABARANI ILI KUEPUSHA VIFO NA AJALI ZINAZOWEZA KUEPUKIKA.

KATIKA TUKIO LA PILI;

KWAMBA TAREHE 10.05.2017 MAJIRA YA SAA YA SAA 01:00HRS USIKU KATIKA KIJIJI CHA MHUNGWE KATA YA MABUKI WILAYA YA MISUNGWI MKOA WA MWANZA, MTU MWANAMKE ALIYEFAHAMIKA KWA JINA LA SHIJA MATHIAS MIAKA 55, MKAZI WA KIJIJI CHA MHUNGWE ANASHIKILIWA NA JESHI LA POLISI KWA TUHUMA ZA KUMFANYIA UKATILI MJUKUU WAKE AITWAYE NGONDA BALANGI MIKA 07 KWA KUMCHAPA FIMBO SEHEMU MBALIMBALI ZA MWILI WAKE HALI ILIYOPELEKEA BAADAE KUPOTEZA MAISHA.

INADAIWA KUWA MAREHEMU ALICHELEWA KURUDI NYUMBANI WAKATI ALIPOKWENDA KUCHEZA, AIDHA INADAIWA KUWA WAKATI ALIPORUDI NYUMBANI KWAO MAJIRA TAJWA HAPO JUU BIBI YAKE ALIMKAMATA KISHA AKANZA KUMCHAPA FIMBO NYINGI SEHEMU MBALIMBALI ZA MWILI WAKE HALI ILIYOPEKEA MAREHEMU KUPOTEZA NGUVU NA BAADAE KUFARIKI DUNIA.

MTUHUMIWA WA MAUAJI HAYO YUPO KATIKA MAHOJIANO NA JESHI LA POLISI, PINDI UCHUNGUZI UKIKAMILIKA ATAFIKISHWA MAHAKAMANI, MWILI WA MAREHEMU TAYARI UMEFANYIWA UCHUNGUZI NA KUKABIDHIWA KWA NDUGU WA MAREHEMU KWA AJILI YA MAZISHI.

KAMANDA WA POLISI MKOA WA MWANZA NAIBU KAMISHINA WA POLISI AHMED MSANGI ANATOA WITO KWA WAZAZI AU WALEZI AKIWATAKA KUWA NA UTARATIBU WA KUWAFUNDISHA WATOTO MAADILI MAZURI KWA NJIA YA KAWAIDA NA SIO KWA VIPIGO, KWANI VIPIGO VINAWEZA KUHATARISHA MAISHA YA MTOTO KISHA KUPELEKEA MZAZI KUINGIA KWENYE  MATATIZO.

 

IMETOLEWA NA:

DCP: AHMED MSANGI

KAMANDA WA POLISI (M) MWANZA

 

About Alex

Check Also

PIX 2 (13)

LUGOLA AITAKA KAMATI YA ULINZI NA USALAMA MKOA WA KIGOMA, KUWADHIBITI ASKARI POLISI, UHAMIAJI WASIOKUA WAAMINIFU KATIKA VIZUIZI MBALIMBALI MKOANI HUMO

Kaimu Katibu Tawala wa Wilaya ya Kakonko, Mkoa wa Kigoma, Julius Samwel, akimuonyesha Waziri wa …

Leave a Reply

Your email address will not be published. Required fields are marked *

13 + 14 =