Sunday , October 21 2018

Home / MCHANGANYIKO / Mwanafunzi Aliyeng’ara Mafunzo Ya Ufundi Stadi Ya VETA Na TBL Group Aenda Masomoni Zaidi Ujerumani

Mwanafunzi Aliyeng’ara Mafunzo Ya Ufundi Stadi Ya VETA Na TBL Group Aenda Masomoni Zaidi Ujerumani

unnamed
Mariam Zayumba akiwa mitamboni katika kiwanda cha TBL Mwanza.
…………………….
 

-Ni Fundi  wa kutegemewa kiwanda cha TBL Mwanza

Mariam Zayumba (20) mmoja wa wahitimu wa mafunzo wa ufundi stadi fani ya umeme katika chuo vya VETA kupitia mpango maalumu wa  elimu ya vitendo ambaye  alipata mafunzo kampuni ya TBL Group na kuajiriwa na kampuni hiyo baada ya kuhitimu amepata nafasi ya mafunzo zaidi ya vitendo nchini Ujerumani chini ya ufadhili wa serikali ya nchi hiyo.

Elimu ya ufundi stadi kupitia mpango maalumu wa kupata elimu zaidi ya vitendo kuliko nadharia unaojulikana kitaalamu kama Dual Apprenticeship programme unaendeshwa na serikali kupitia taasisi zake za mafunzo ya ufundi kwa kushirikiana na Chama cha Wenye Ujuzi cha Hamburg, Ujerumani, umelenga kuwapatia vijana mafunzo ya vitendo ambapo wanasoma wakiwa wanapatiwa mafunzo ya vitendo kwenye viwanda na taasisi mbalimbali na kampuni ya TBL Group ni mdau mkubwa katika utekelezaji wa mpango huu.

Akiongea kuhusiana na nafasi ya kujiendeleza zaidi nchini Ujerumani Mariam alisema kuwa anashukuru wafadhili walioweza kumpatia fursa hiyo pia mwajiri wake kampuni ya TBL Group ambapo ndio imemlea kwa kumfadhili wakati wa masomo nakumpatia mafunzo ya vitendo ya ufundi umeme na baada ya kufuzu mafunzo ya VETA iliweza kumpatia ajira ya kudumu akiwa ni fundi umeme wa kampuni hiyo katika kiwanda chake cha Mwanza,

Nitachowaahidi watanzania wenzangu kuwa nitatumia fursa hii kupata ujuzi ambao nikirudi nitautumia kwa manufaa ya watanzania na nashukuru TBL Group kwa kunipatia mafunzo ya awali ambayo yameniwezesha kufikia hatua hii na natoa wito kwa vijana wenzangu kujikita zaidi kwenye fani ya ufundi kwa kuwa inazo fursa nyingi za ajira zinazowawezesha kuendsha maisha yao na kuhudumia familia zao kama ambavyo imetokea kwangu”Alisema Mariam kwa  furaha.

Meneja Mafunzo wa TBL Group,Gaspar Tesha,amesema kuwa kampuni inajivunia kuwa mmoja wa wadau wa mpango huu wa kutoa elimu ya ufundi stadi kwa vitendo bila kuwa na elimu ya awali kwa kuwa ina manufaa makubwa kwa taifa ikiwemo kupunguza tatizo la ajira kwa vijana nchini.

“Kampuni yetu ikiwa ni moja ya mwajiri mkubwa yenye wafanyakazi wapatao 2,000 itaendelea kuwekeza katika program hii ya  kuwawezesha vijana kupata ajira na kujiajiri kupitia fani ya ufundi .Tunajivunia mmoja wa wanafunzi wetu ambaye pia tumemwajiri ameweza kuwa miongoni mwa wanafunzi waliofanya vizuri wakati wa mafunzo hayo awamu ya kwanza na kufanikiwa kupata nafasi ya kupata mafunzo ya juu ya vitendo nchini Ujerumani”.Alisema Tesha.

Aliongeza kuwa kampuni katika awamu ya kwanza ya mafunzo hayo ilichukua wanafunzi watatu na kuwagharamia kiasi cha shilingi milioni 75 za kujikimu wakati wa mafunzo ambapo baada ya kuhitimu wamepata ajira ya kuduma katika viwanda vyake na wanaendelea kufanya vizuri katika fani ya umeme na wataendelea zaidi kuwezesha wanafunzi wengine zaidi wanaochaguliwa kujiunga na mpango huu wa Dual Apprenticeship.

Mpango huu tangu uanzishwe nchini umeishachukua wanafunzi katika awamu mbili ambapo awamu ya kwanza ilikuwa kati ya mwaka 2013 hadi 2016 na awamu nyingine inaendelea na mafunzo katika fani za umeme,ufundi magari,na huduma za hoteli ambapo katika awamu ya kwanza TBL Group ilichukua wanafunzi watatu na katika awamu ya pili wanafunzi 4.

About Alex

Check Also

4

Wakala Wa Vipimo Nchini Yatoa Elimu Ya Ufungashaji Wa Bidhaa kwa Wajasiriamali Jijini Dodoma

Leave a Reply

Your email address will not be published. Required fields are marked *

two × three =