Monday , October 22 2018

Home / MCHANGANYIKO / USAJILI WANACHI VITAMBULISHO VYA TAIFA WAPAMBA MOTO VIWANJA VYA NGONGO MKOANI LINDI

USAJILI WANACHI VITAMBULISHO VYA TAIFA WAPAMBA MOTO VIWANJA VYA NGONGO MKOANI LINDI

IMG_6028

Afisa Usajili wa Mamlaka ya Vitambulisho vya Taifa Bw. Deodatus Alexander akimkabidhi kitambulisho chake Bw. Abrahman Mohamed Mussa, akiwa miongoni mwa wananchi waliokamilisha taratibu za Usajili na kukabidhiwa Vitambulisho vyao wakati wa maonyesho ya Nanenane yanayoendelea kwenye viwanja vya Ngongo Lindi.

IMG_6044

Baadhi ya wananchi wakikamilisha taratibu za Usajili kwa kuchukuliwa alama za vidole, picha na saini ya Kielektroniki wakati wa maonyesho yanayoendelea Viwanja vya Ngongo Lindi.

4

Wananchi wa Manispaa ya Lindi wakipata maelezo ya taratibu za Usajili toka kwa Kaimu Mkuu wa Kitengo cha Mawasiliano Bi.Rose Mdami wakati maonyesho ya Nanenane yakiendelea mkoani Lindi.

5

Bi Khadija Khalid mtaalamu wa mifumo ya Komputa mkoani ofisi ya NIDA Lindi, akitoa elimu kuhusu mfumo wa Utambuzi na Usajili wa Taifa kwa wananchi waliofika kujifunza kwenye Banda la NIDA.

6

Baadhi ya wananchi wakisubiri kupata huduma kwenye banda la Mamlaka ya Vitambulisho vya Taifa wakati wa maonyesho ya Kilimo Nanenane yanayoadhimishwa kitaifa mkoani Lindi.

7

Maafisa wa Mamlaka ya Vitambulisho vya Taifa (NIDA) wakiendelea kutoa huduma kwa wananchi waliofika kutembelea Banda la Mamlaka hiyo viwanja vya Ngongo Lindi

8

Hawa ni baadhi tu ya wananchi wakuhakikiwa na Afisa wa Idara ya Uhamiaji Bw.Kudrack Kuvagwa kabla ya kuchukuliwa alama za Kibaiolojia, picha na Saini ya Kielektroniki.

9

………………………….

Katibu Tawala wa Mkoa wa Lindi Bw.Ramadhani Kaswa, amepongeza na kushukuru Mamlaka ya Vitambulisho vya Taifa NIDA kwa huduma nzuri kwa wananchi wa Lindi na mkoa jirani wa Mtwara ambao wameendelea kusajiliwa Vitambulisho vya Taifa katika siku za maonyesho ya Nanenane Kitaifa yanayofanyika kwa mara ya nne mfululizo mkoani humo.

Mbali na kupongeza kazi kubwa inayofanywa na NIDA; Katibu Tawala huyo amewahimiza wananchi kujitokeza kwa wingi kusajiliwa kwani ni fursa muhimu ya kupata Vitambulisho vya Taifa kwa wakati.

“ wananchi jitokezeni kwa wingi ili msajiliwe; hii ni fursa muhimu kwenu. NIDA hongereni sana na naomba muendelee na ari hiyo ya  kuwahudumia wananchi” alisisitiza

Mamia ya wananchi wamejitokeza kwa wingi kusajiliwa Vitambulisho vya Taifa katika Maonesho ya Kilimo ya Nanenane Kitaifa yanayoendelea katika viwanja vya Ngongo mkoani Lindi, sambamba na kujifunza ukulima wa kisasa.

Wananchi mbali na kusajiliwa; huduma nyingine zinazotolewa kwenye banda la NIDA; ni Ugawaji wa Vitambulisho kwa wananchi waliokamilisha taratibu za Usajili, kutoa taarifa za hatua ya uzalishaji Vitambulisho kwa wananchi ambao walishasajiliwa awali na hawajapata Vitambulisho vyao, pamoja na kupata elimu ya jumla kuhusu Vitambulisho vya Taifa, faida na matumizi.

Kupia fursa hii wananchi wanaosajiliwa wameahidiwa kupata Vitambulisho vyao ndani ya mwezi mmoja ili kutoa fursa ya uhakiki wa taarifa na uzalishaji.

About Alex

Check Also

index

Serikali Yawataka Wakuu wa Wilaya na Wakurugenzi wa Halmashauri Zote Nchini Kuhakikisha Wanatokomeza Malaria

Na, Paschal Dotto- MAELEZO 22.10.2018 Serikali kupitia Wizara ya Afya, Maendeleo ya  Jamii, Jinsia, Wazee …

Leave a Reply

Your email address will not be published. Required fields are marked *

one × two =