Thursday , November 23 2017

Home / MICHEZO / EVERTON YAMFUTA KAZI KOCHA RONALD KOEMAN ‘BAADA YA KUFUNGWA 5-2 NA ARSENAL’

EVERTON YAMFUTA KAZI KOCHA RONALD KOEMAN ‘BAADA YA KUFUNGWA 5-2 NA ARSENAL’

Klabu ya Everton imemfuta kazi meneja Ronald Koeman baada ya kichapo cha 5-2 Jumapili kutoka wka Arsenal kuwaacha wakiwa kwenye eneo la kushushwa daraja kwenye jedwali Ligi ya Premia.

Taarifa ya klabu hiyo imemshukuru Ronald kwa huduma alizotoa kwa klabu hiyo katika kipindi cha miezi 16 iliyopita.

Everton wamo nafasi ya 18 Ligi Kuu England na wameshinda mechi mbili pekee kati ya tisa walizocheza ligini msimu huu.

“Bado naamini ninaweza kubadili hali hii,” Koeman alikuwa amesema Jumapili.

Koeman amekuwa meneja wa tatu Ligi ya Premia kufutwa msimu huu baada ya Frank de Boerwa Crystal Palace na Craig Shakespeare wa Leicester.

Mholanzi huyo wa miaka 54 alikuwa amewasaidia Everton kumaliza nafasi ya saba msimu wake wa kwanza lakini msimu huu mambo yameenda mrama licha ya kutumia £140m sokoni majira ya joto.

Uwezekano wao kusonga kutoka Kundi E Ligi ya Klabu Bingwa Ulaya ni finyu baada ya kushindwa na Atalanta na Lyon na kutoka sare na Apollon Limassol.

Koeman alikuwa amefika uwanjani Finch Farm kwa mazoezi leo asubuhi wakijiandaa kwa mechi ya Jumatano katika Kombe la Carabao dhidi ya Chelsea.

Lakini mwenyekiti Bill Kenwright na afisa mkuu mtendaji Robert Elstone walifika bila kutarajiwa na baadaye kufutwa kwake kukatangazwa.

Rekodi ya mameneja wa Everton Ligi ya Premia tangu 1990
Meneja Mechi Alama kila mechi Kushinda %
Howard Kendall (1990-93) 60 1.28 37%
Mike Walker (1994) 31 0.87 19%
Joe Royle (1994-97) 97 1.43 37%
Howard Kendall (1997-98) 38 1.05 24%
Walter Smith (1998-2002) 140 1.16 29%
David Moyes (2002-13) 427 1.5 41%
Roberto Martinez (2013-16) 113 1.44 38%
Ronald Koeman (2016-17) 47 1.47 40%

About Alex

Check Also

271A0399

NAIAMINI TIMU YANGU ITAPATA USHINDI DHIDI YA MTIBWA-CIOABA

KOCHA Mkuu wa Klabu Bingwa ya Afrika Mashariki na Kati Azam FC, Aristica Cioaba, ameweka …

Leave a Reply

Your email address will not be published. Required fields are marked *

5 × 1 =