Thursday , December 13 2018

Home / BIASHARA / Makamu Wa Rais Azitaka Taasisi Za Kifedha Kufungua Matawi Vijijini

Makamu Wa Rais Azitaka Taasisi Za Kifedha Kufungua Matawi Vijijini

Makamu wa Rais wa Tanzania, Bi. Samia Suluhu Hassan akizungumza alipokuwa akifungua Mkutano wa ‘Women’s World Banking’ ambao unalengo la kuangalia namna bora ya kuwafikia wanawake katika maeneo mbalimbali duniani ili wapate huduma za kifedha. Mkutano huo unafanyika jijini Dar es Salaam.

 

Makamu wa Rais wa Tanzania, Bi. Samia Suluhu Hassan akizungumza alipokuwa akifungua Mkutano wa ‘Women’s World Banking’ ambao unalengo la kuangalia namna bora ya kuwafikia wanawake katika maeneo mbalimbali duniani ili wapate huduma za kifedha. Mkutano huo unafanyika jijini Dar es Salaam.

 

Mkuu wa Kitengo cha Wateja Binafsi wa Benki ya NMB, Bw. Abdulmajid Nsekela (katikati) akizungumza na waandishi wa habari mara baada ya ufunguzi wa Mkutano wa ‘Women’s World Banking’ ambao unalengo la kuangalia namna bora ya kuwafikia wanawake katika maeneo mbalimbali duniani ili wapate huduma za kifedha.

MAKAMU wa Rais wa Tanzania, Bi. Samia Suluhu Hassan amezitaka taasisi za kifedha nchini kuboresha huduma kwa kufungua matawi maeneo ya vijijini ili kuwafikia wananchi wengi na hasa wanawake ili wazitumie huduma hizo kwa shughuli za maendeleo.

Mama Suluhu aliyasema hayo jijini Dar es Salaam wakati wa ufunguzi wa mkutano wa Women’s World Banking ambao unalengo la kuangalia namna bora ya kuwafikia wanawake katika maeneo mbalimbali duniani ili wapate huduma za kifedha.

Makamu wa Rais alisema takwimu za matumizi ya huduma za kifedha nchini sio mbaya lakini ni muhimu jitihada za kuwafikia wanawake wengi zikaongezwa ili kuwawezesha kupata huduma hizo ambazo wanaweza kuzitumia katika shughuli za maendeleo.

“Kwetu Tanzania tumefanya vizuri, kuna watu wengi bado wapo nje ya mfumo rasmi wa mabenki lakini asilimia 70 ya wananchi wanatumia simu na kama mnavyojua kuna huduma kama Tigo Pesa, M-Pesa na zimesambaa Tanzania nzima, kumfikia kila mtu tumepiga hatua kidogo,”Lakini kuna mambo mengi inatakiwa tuyafanye kwa mfano mabenki yetu yaendelee zaidi kwenda kwa wananchi, wafungue matawi zaidi huko kwa wananchi lakini pia benki yetu ya wanawake ambayo imeundwa kwa dhumuni hilo na
yenyewe ijitahidi kusambaza matawi kwenda mikoani kwenda wilayani kuwafikia wanawake,” alisema Suluhu.

Naye Meneja wa Wateja Wadogo na Kati wa NMB, Abdulmajid Nsekela amezungumza kuhusu mkutano huo na kueleza kuwa mkutano ambao unalengo la kuangalia namna ya kuwezesha wanawake wanapata huduma za kifedha utakuwa na mijadala mbalimbali ambayo itawezesha kupatikana suluhisho la namna ya kuwafikia wanawake hata waliopo vijijini kwa njia ya teknolojia.

“Sisi kama NMB tumekuwa tukishirikiana kwa karibu na waandaji wa mkutano huu na tumekuwa tukianzisha huduma ambazo zinawawezesha wananchi, wakulima wanawake kupata mikopo kwa riba nafuu…mkutano utaangalia namna bora ya kuwafikia wanawake hata wa vijijini kwa kutumia teknolojia kwani yenyewe inauwezo wa kufika popote,” alisema Nsekela.

Katika mkutano huo wa siku mbili watu 300 kutoka mataifa 40 wamepata nafasi ya kushiriki mada mbalimbali ambazo zitatoa njia mbadala ya kuitumia kuwafikia wananchi na hasa wanawake waliopo vijijini.

 

Sehemu ya washiriki wa Mkutano wa ‘Women’s World Banking’ ambao unalengo la kuangalia namna bora ya kuwafikia wanawake katika maeneo mbalimbali duniani ili wapate huduma za kifedha.

About Alex

Check Also

A 1-min

Tigo Wazindua Malipo ya kielekroniki Serikalini Arusha

Mkurugenzi wa Kanda ya Kaskazini Kampuni ya Simu za mkononi ya Tigo, Nancy Bagaka akizungumza …

Leave a Reply

Your email address will not be published. Required fields are marked *

12 + 17 =