Tuesday , September 25 2018

Home / MCHANGANYIKO / ATAKAEFANYA MCHONGO/DILI MSIMU WA UNUNUZI WA KOROSHO PWANI KUKIONA-NDIKILO

ATAKAEFANYA MCHONGO/DILI MSIMU WA UNUNUZI WA KOROSHO PWANI KUKIONA-NDIKILO

IMG_20171031_114224

MKUU wa mkoa wa Pwani,mhandisi Evarist Ndikilo ,akizungumza na wadau wa korosho katika kikao cha tathmini na maandalizi ya msimu mpya wa zao hilo la biashara,kilichofanyika Mkuranga.

Picha na Mwamvua Mwinyi

…………………

Na Mwamvua Mwinyi,Mkuranga

MKUU wa mkoa wa Pwani,mhandisi Evarist Ndikilo  amesema chama cha msingi cha korosho (AMCOS )ama wataalamu wa kupima ubora wa korosho,kitakachobainika kufanya mchongo na udanganyifu katika msimu huu wa ununuzi kitachukuliwa hatua za kisheria ikiwemo kufungwa.

Aidha amewasihi wakuu wa wilaya zote Mkoani hapo ,kusimamia na kuweka mazingira wezeshi ili msimu uwe na mafanikio makubwa .

Hata hivyo ,amemtaka katibu tawala msaidizi uchumi na uzalishaji mkoani Pwani ,Shangwe Twamala kusimamia mnada wa ununuzi wa korosho unaoanza rasmi novemba 8 mwaka 2017 mkoani humo ,kwa uwazi ili kuondoa makandokando na malalamiko.

Akifunga kikao cha tathmini na maandalizi ya msimu mpya wa zao hilo la kibiashara cha wadau wa korosho,mwenyekiti wa kikao hicho ,mhandisi Ndikilo ,alisema hatokubali mnada huo kugeuzwa dili .

Aliziasa AMCOS na wataalamu wa kupima ubora kuepukana na na udanganyifu kwenye ubora wa korosho.

“Kumekuwepo na udanganyifu mkubwa unaofanyika katika maghala ya kuhifadhia korosho ambapo baadhi za AMCOS zimebainika kusababisha uzito wa korosho zilizopimwa kwenye maghala”

 “Ambapo kabla ya mnada hupungua kwa kiasi kikubwa wakati mnunuzi anapokabidhiwa korosho hizo” alielezea .

Mhandisi Ndikilo alieleza kuwa ,wilaya ya Mafia safari hii ina tani 200 za korosho na katika mnada wa novemba 8 kutakuwa na tani 50 kutoka wilaya hiyo .

Mkoa wa Lindi na Mtwara mnada umeshaanza hivyo hataki kusikia kisingizio katika mnada huo .

Katika hatua nyingine ,aliitaka bodi ya korosho kupeleka magunia mkoani hapo ,kwani yaliyopo hayatoshi na kusababisha athari kwa wakulima na kuhofia kukosa faida.

Mhandisi Ndikilo alisema, kutaimarishwa vizuia vya kudhibiti utoroshwaji wa korosho nje ya wilaya na mkoa .

Alikemea biashara ya korosho kufanywa katika mfumo wa kangomba ambao huwakandamiza wakulima wa zao hilo.

Mhandisi Ndikilo ,alisema korosho zote zitakazokutwa kwenye magari yatakayokamatwa yakiwa kwenye mifumo isiyo rasmi badala ya stakabadhi ghalani ambao unatambulika ,korosho zitataifishwa  na mtuhumiwa atakamatwa na jeshi la polisi.

Mkuu wa wilaya ya Mkuranga ,Filberto Sanga alisema zao la korosho ni zao la biashara ambalo linanufaisha mkulima na taifa kijumla .

Alisema kutokana na umuhimu huo ,halipaswi kufanyiwa ujanjaujanja kwa watu kujinufaisha zaidi ya mkulima husika .

Sanga alieleza kwamba,korosho za baadhi ya wakulima zipo chini kwenye maji zinaharibika kwa kukosa magunia ya kuzihifadhi .

Nae mwenyekiti wa CORECU mkoani Pwani,Rajabu Ng’onoma alisema awali waliagiza magunia ya ziada ambayo waliyahifadhi kwenye ghala lao la CORECU .

“Tulijua yatatosheleza na yanaweza kutumika na kubaki lakini hapo kipindi cha kati ilitokea tatizo juu ya magunia hayo ambapo wanaodaiwa kuhusika wameshakamatwa na kwasasa wanauachia mhimili lengwa uchukue mkondo wake ” alifafanua Ng’onoma .

Ng’onoma alisema wanatekeleza majukumu yao kwa uzalendo na uchungu ili kuhakikisha korosho inaleta mapinduzi makubwa na maendeleo chanya kimkoa.

About Alex

Check Also

Selemani-Jafo-Dodoma

UTEKELEZAJI WA MIRADI YA AFYA KATIKA MIKOA NA HALMASHAURI IZINGATIE THAMANI YA FEDHA.  

Waziri wa Nchi Ofisi ya Rais (TAMISEMI) Selemani Jafo Na Ismail Ngayonga MAELEZO DAR ES …

Leave a Reply

Your email address will not be published. Required fields are marked *

two × 1 =