Wednesday , August 15 2018

Home / MCHANGANYIKO / TRA YAKAMATA MALORI MAWILI YENYE BIDHAA MBALIMBALI KUPITIA NJIA ZA MAGENDO

TRA YAKAMATA MALORI MAWILI YENYE BIDHAA MBALIMBALI KUPITIA NJIA ZA MAGENDO

T17

Na Veronica Kazimoto

Arusha

Mamlaka ya Mapato Tanzania (TRA), imekamata malori mawili yenye bidhaa mbalimbali eneo la Loliondo Wilaya ya Ngorongoro mkoani Arusha kupitia njia ya magendo yakitokea nchini Kenya.

Akizungumza na waandishi wa habari leo jijini Arusha, Kamishna Mkuu wa TRA Bw. Charles Kichere amesema kuwa, malori hayo yenye namba T 985 AJP na T 840 ABF yalikamatwa usiku wa tarehe 10 Mei, 2018 na kusisitiza kuwa wafanyabiashara wenye bidhaa hizo wamevunja sheria kwa kuwa hawakulipa kodi stahiki kama inavyotakiwa.

“Wafanyabiashara wenye bidhaa hizi zilizokamatwa, wamevunja kifungu cha sheria namba 82 na 200  cha Sheria ya Usimamizi wa Kodi ya Mwaka 2015 na Sheria ya Forodha ya Afrika Mashariki ya Mwaka 2004. Hivyo kwa Sheria hizi, wafanyabiashara hawa wanatakiwa kulipa faini na magari yao kutaifishwa”, alisema Kichere.

Amezitaja bidhaa zilizokamatwa kuwa ni pamoja na mifuko 362 ya sukari yenye uzito wa kilo 50 kila mmoja, maboksi 40 ya mafuta ya kula yanayoitwa Karibu, maboksi matatu ya mafuta ya kula yanayoitwa Daria, magaloni 100 ya mafuta ya kula yanayoitwa Nyata na maboksi matatu ya viungo vya mboga.

Kufuatia tukio hilo, Kamishna Mkuu Kichere amewakumbusha wafanyabiashara wote kuzingatia taratibu za uingizaji bidhaa nchini ili kuepuka hasara kwenye biashara zao na kuongeza kuwa, TRA haitavumilia ukiukwaji wowote utakaofanywa na wafanyabiashara kwa kutozingatia sheria na taratibu hizo.

About Alex

Check Also

????????????????????????????????????

MELI YAUNGUA MOTO BAGAMOYO

Meli kubwa ya mizigo iitwayo MV RAHIMA (LAND CRAFT RAHIMA) ambayo imeungua moto katika bandari …

Leave a Reply

Your email address will not be published. Required fields are marked *

one × 4 =