Thursday , May 24 2018

Home / MCHANGANYIKO / Watanzania Watakiwa Kutumia Takwimu Zinazotokana na Sensa Mbalimbali Kujiletea Maendeleo

Watanzania Watakiwa Kutumia Takwimu Zinazotokana na Sensa Mbalimbali Kujiletea Maendeleo

1

Waziri wa Mifugo na Uvuvi  Mhe. Luhaga Mpina akisisitiza umuhimu wa kutumia takwimu na Tafiti  mbalimbali katika kuchochea maendeleo na kufanya maamuzi mbalimbali kabla ya kuzindua matokeo ya utafiti wa Kilimo na Mifugo wa mwaka 2016/2017 katika ukumbi wa Ofisi za Taifa za Takwimu (NBS) leo Jijini Dodoma.

2

Mkurugenzi Mkuu wa Ofisi ya Taifa ya Takwimu (NBS) Dkt. Albina Chuwa akitoa maelezo ya awali kuhusu matokeo ya utafiti wa Kilimo na Mifugo wa mwaka 2016/2017 katika ukumbi wa Ofisi ya Taifa ya Takwimu (NBS) leo Jijini Dodoma.

3

Waziri wa Mifugo na Uvuvi  Mhe. Luhaga Mpina akikata utepe kuzindua  matokeo ya utafiti wa Kilimo na Mifugo wa mwaka 2016/2017 katika ukumbi wa Ofisi  ya Taifa ya Takwimu (NBS) leo Jijini Dodoma.

4

Waziri wa Mifugo na Uvuvi  Mhe. Luhaga Mpina akimkabidhi   Muwakilishi wa Benki ya Dunia hapa nchini Bi Elizabeth Ann Talbert  ripoti ya matokeo ya utafiti wa Kilimo na Mifugo wa mwaka 2016/2017 katika ukumbi wa Ofisi ya Taifa ya Takwimu (NBS) leo Jijini Dodoma.

5

Mkurugenzi wa Programu za Kimataifa  wa Shirika la USADA-NASS Bw. Mark Miller akizungumza wakati wa  uzinduzi ripoti ya matokeo ya utafiti wa Kilimo na Mifugo wa mwaka 2016/2017 katika ukumbi wa Ofisi ya Taifa ya Takwimu (NBS) leo Jijini Dodoma.

6

Sehemu ya wageni walioshiriki hafla ya uzinduzi  matokeo ya utafiti wa Kilimo na Mifugo wa mwaka 2016/2017  wakifuatilia hotuba ya mgeni rasmi (hayupo pichani) katika ukumbi wa Ofisi za Taifa za Takwimu (NBS) leo Jijini Dodoma.

7

Waziri wa Mifugo na Uvuvi  Mhe. Luhaga Mpina akiwa kwenye picha ya pamoja na washiriki wa hafla ya kuzindua  matokeo ya utafiti wa kilimo na mifugo wa mwaka 2016/2017 katika ukumbi wa Ofisi ya Taifa za Takwimu (NBS) leo Jijini Dodoma.

                                                      (Picha zote na MAELEZO)

…………………

Kujiletea Maendeleo

Na: Lilian Lundo – MAELEZO, Dodoma.

Waziri wa Mifugo na Uvuvi Mhe.  Luhaga Mpina amewataka Watanzania  kutumia takwimu za sensa mbalimbali  zinazotolewa na ofisi ya Taifa ya Takwimu ili kuongeza tija na hatimaye kupunguza umasikini nchini.

Mhe. Mpina ametoa wito huo leo Jijini Dodoma, alipokuwa akizindua matokeo ya utafiti wa Kilimo wa mwaka 2016/2017 ukiwa ni utafiti wa pili kufanyika nchini ambapo wa kwanza ulifanyika mwaka 2014/2015.

“Tunapenda kufanya sensa lakini mwisho wa siku hakuna anayetumia sensa hiyo. Huwezi kufanya mapinduzi ya kiuchumi bila ya kutumia matokeo mbalimbali ya tafiti,” alisema Mhe. Mpina.

Aliendelea kusema, matokeo ya tafiti hizo yametumika katika kupima mchango wa shughuli za kilimo katika Pato la Taifa, ambapo takwimu zinaonesha kuwa mwaka 2014 uchumi ulikuwa kwa asilimia 7.10 wakati mwaka 2017 uchumi ulikuwa kwa asilimia 7.1. Aidha mchango wa shughuli za kilimo kwa mwaka 2014 ulikuwa asilimia 28.8 wakati mwaka 2017 ulikuwa asilimia 30.1.

Vile vile amesema, matokeo ya utafiti yanaonesha kuwa zao la mahindi mwaka 2016/2017 uzalishaji wake ulikuwa tani 5,766,984 na kwa takwimu za utawala za mwaka 2017/2018uzalishaji ni tani 6,681,000. Katika mwaka 2017 ongezeko la thamani ya shughuli za kilimo cha mazao iliongezeka na kufikia shilingi trilioni 5.3 kutoka shilingi trilioni 5.1 mwaka 2016.

Mhe. Mpina amesema, kwa upande wa Tanzania Baramkoa wa Mbeya umeendelea kuongoza katika uzalishaji wa zao la mahindi kwa tani 578,280 (10%) wakati Mkoa wa Morogoro umeongoza.

Aidha kwa upande wa mifugo, Tanzania Bara inaidadi ya ng’ombe 30,496,687, mbuzi 18,947,657, kondoo 5,565,468 na kuku wa asili 38,595,106 ambapo mikoa inayoongoza kwa asilimia kubwa ya ng’ombe ni pamoja na Tabora (8.7%), Mwanza (7.9%) na Manyara (7.2%). Tanzania Zanzibar ina idadi ya ng’ombe wapatao 175,314, mbuzi 107,993, kondoo 517 na kuku wa asili 1,754,786 na mikoa inayoongoza kwa asilimia kubwa ya ng’ombe kwa Tanzania Zanzibar ni Kaskazini Pemba (30.3%) ikifuatiwa na Kusini Pemba (19.9%).

Kwa upande wake Mkurugenzi Mkuu wa Ofisi ya Taifa ya Takwimu, Dkt. Albina Chuwa amewaomba watumiaji wa takwimu hizo kuzitumia kwa manufaa ya kufuatilia na kutathimini mipango ya maendeleo ya sekta ya kilimo, mifugo na uvuvi na si vinginevyo.

Hata hivyo amesema, Tanzania bado ni nchi ya pili katika Bara la Afrika kwa kuwa na mifugo mingi hivyo ni dhahiri kuwa uwezo wa viwanda vya nyama hapa nchini  na kuuza nyama na bidhaa zake zinazozalishwa kwa lengo la kujipatia fedha za kigeni.

About Alex

Check Also

JC6A9595

WAZIRI JAFO AKERWA NA UJENZI MBOVU WA MADARASA

 Waziri wa Nchi Ofisi ya Rais Tawala za Mikoa na Serikali za Mitaa Mhe. Seleman …

Leave a Reply

Your email address will not be published. Required fields are marked *

six + eleven =