Thursday , December 13 2018

Home / MCHANGANYIKO / AMUUWA NDUGUYE KISA REDIO YA 15,000

AMUUWA NDUGUYE KISA REDIO YA 15,000

MATEI-1

Kamanda wa Polisi mkoa wa Mbeya, Ulrich Matei

MKAZI wa Kijiji cha Kasisi wilayani Chunya mkoa wa Mbeya, Masanila Lukelesha (45) anashikiliwa na Jeshi la Polisi mkoani humo kwa tuhuma za kusababisha kifo cha ndugu yake, Lutonja Lukelesha (33).

Akizungumzia kuhusu tukio hilo, Kamanda wa Polisi mkoa wa Mbeya, Ulrich Matei amesema mtuhumiwa huyo anadaiwa kumsababishia majeraha yaliyopelekea Lutonja kufariki dunia, kwa kumpiga na fimbo akimtuhumu kuiba redio yenye thamani ya Sh. 15,000.

Kamanda Matei ameeleza kuwa, marehemu Lutonja alifariki dunia tarehe 22 Septemba 2018 akiwa anajipatia matibabu ya kienyeji nyumbani kwake.

“Inadaiwa kuwa marehemu alipigwa fimbo sehemu mbalimbali za mwili wake na kukanyagwa kwa miguu kifuani na tumboni siku ya tarehe 12.09.2018 majira ya saa 12:09 mchana huko kijiji cha Kasisi na kaka yake aitwaye Masanila Lukelesha [45] Mkazi wa Kasisi akiwa na wenzake wawili,” amesema na kuongeza Kamnda Matei.

“Chanzo cha tukio hili ni tuhuma za wizi wa radio ndogo yenye thamani ya Tshs 15,000/= ya mmalila mchoma mkaa ambaye jina lake halisi bado kufahamika. Msako mkali wa kuwatafuta watuhumiwa wengine wawili waliokimbia unaendelea.”

 

About regina

Check Also

????????????????????????????????????

Wafanyakazi wa TBL Mbeya na Arusha wapatiwa elimu ya kupinga Ukatili wa kijinsia

Kampuni ya Tanzania Breweries Limited (TBL)  mwaka huu kwa mara nyingine imeungana na mashirika yanayopinga …

Leave a Reply

Your email address will not be published. Required fields are marked *

five + 14 =