Friday , November 16 2018

Home / MCHANGANYIKO / MFUMUKO WA BEI WA TAIFA UMEPUNGUA KWA ASILIMIA 3.2

MFUMUKO WA BEI WA TAIFA UMEPUNGUA KWA ASILIMIA 3.2

1

Mkurugenzi wa Sensa na Takwimu za Jamii  kutoka Ofisi ya Taifa ya Takwimu (NBS) Bw. Ephraim Kwesigabo akitoa taarifa ya mfumuko wa bei kwa mwezi Oktoba 2018 ambao umeshuka kufikia asilimia  3.2 kutoka asilimia 3.4 kwa kipindi cha mwaka unaoiushia mwezi Septemba, 2018 . hiyo ilikuwa tarehe 8 oktoba 2018 Jijini Dodoma.

2

Sehemu ya waandishi wa habari walikifuatilia mkutano wa kutangaza hali ya mfumuko wa Bei kwa mwezi Oktoba 2018 ambao umeshuka kufikia asilimia 3.2 kutoka asilimia 3.4 kwa kipindi cha mwaka unaoiushia mwezi  Septemba, 2018 . hiyo ilikuwa tarehe 8 oktoba 2018 Jijini Dodoma.

                                      (Picha na Frank Mvungi- MAELEZO)

…………………………

Na.Alex Sonna,Dodoma

Ofisi ya Taifa ya Takwimu imetoa taarifa ya mfumuko wa bei wa Taifa kwa mwaka unaoishia Oktoba, mwaka huu, umepungua hadi asilimia 3.2 kutoka 3.4 kwa mwaka unaoishia Septemba, mwaka huu.

 Akizungumza na waandishi wa habari jijini Dodoma, Mkurugenzi wa Sensa ya Watu na Makazi na Takwimu za Jamii, Ephraim Kwesigabo,amesma kuwa kupungua huko kuna maanisha kwamba kasi ya mabadiliko ya bei za bidhaa na huduma imepungua.

Aidha Mkurugenzi huyo amesema kuwa hiyo inamanisha kuwa mabadiliko ya bei za bidhaa na huduma kwa mwaka unaoishia Oktoba mwaka huu, imepungua ukilingansiha na kazi iliyokuwe kwa mwaka unaoishia Septemba, mwaka huu.

“Mfumuko wa Bei wa Taifa unapima kiwango cha kasi ya mabadiliko ya bei za bidhaa na huduma zote zinazotumiwa na kaya binafsi nchini,” amesema Bw.Kwesigabo

Hata hivyo amesema kuwa  kupungua kwa Mfumuko wa Bei ya Taifa kwa mwaka unaoishia Oktoba, mwaka huu, kumechangiwa hasa na kupungua kwa bei za baadhi ya bidhaa za vyakula na vinywaji baridi kwa kipindi kinachoishia Oktoba, mwaka huu, ukilinganansiaha bei za Oktoba mwaka jana.

Kwesigabo amesema mfumuko wa bei wa bidhaa za vyakula na vinywaji baridi kwa mwezi Oktoba, mwaka huu, umepungua hadi asilimia 1.2 kutoka asilimia 2.0 ilivyokuwa Setptemba, mwaka huu.

Amezitaja baadhi ya bidhaa za chakula zilizochangia kupungua kwa mfumuko wa bei wa mwezi Oktoba katika mwaka huu ni pamoja na mchele kwa asilimia 3.8.

Nyingine ni mahindi kwa asilimia 21.8, unga wa mahindi kwa asilimia 11.6, unga wa mtama kwa asilimia 5.1, unga wa muhogo kwa asilimia 14.1, maharage kwa asilimia 3.0, mihogo mibichi kwa asilimia 5.9, viazi vitamu kwa asilimia 2.1, migimbi kwa asilimia 23.2 na ndizi za kupika kwa asilimia 11.6.

Amesema hali ya Mfumuko wa Bei kwa bidhaa katika Nchi za Afrika Mashariki (EAC) unaonesha kwamba Kenya mfumuko wake wa bei kwa mwaka unaoishia Oktoba mwaka huu, umepungua hadi asilimia 5.53 kutoka 5.70 kwa mwaka unaoishia mwezi Septemba, mwaka huu.

Kwa upande wa nchi ya Uganda, mfumuko wa bei kwa mwaka unaoishia Oktoba, mwaka huu umepungua hadi asilimia 3.0 kutoka asilimia 3.7 kwa mwaka unaishia Setptemba, mwaka huu.

“Ofisi ya Taifa ya Takwimu (NBS) ni taasisi ya Umma iliyoanzishwa kwa sheria ya takwimu ya mwaka 2015. Kwa mujibu wa sheria hiyo, NBS imepewa mamlaka ya kutoa, kusimamia na kuratibu upatikanaji wa takawimu rasmi nchini,” alisema.

Mkurugenzi amesema kuwa Takwimu hizo ni pamoja na takwimu za Mfumuko wa Bei kwa ajili ya matumizi ya serikali na wadau wa takwimu nchini.

About Alex

Check Also

IMG-20181115-WA0010

MSHINDI WA NYUMBA ALIA KWA UCHUNGU KUFUATIA USHINDI WA BIKO

Mkurugenzi Mkuu wa Biko, Charles Mgeta wa pili kutoka kulia akimkabidhi hundi ya sh milioni …

Leave a Reply

Your email address will not be published. Required fields are marked *

3 + 1 =